تأسست في 20 اكتوبر 2009
[B]
الرياضي:دكتور مسابقتي بعد أسبوعين وما أقدر أدخلها وهذا وزني مع أني ماشي على نظامك بالحرف الواحد.
الدكتور: وساعات التدريب والنوم ثابتين؟
الرياضي: كل شي تمام مانقصت شي من إلي قلت لي إياه.
الدكتور: أخاف زايد شي مو منقص؟؟؟
الرياضي:مثل شنو؟؟؟
الدكتور: مكسرات / عصير أفوكادوا / فواكة مجففة / سلطة مغرقها صلصات جاهزة أو زيت زيتون.
الرياضي:أي هذي خفايف كل يوم أكلها بس عادي لانها صحية وأصلا ما تأثر.
الدكتور: صح كلامك بس سعراتها الحرارية عاليه وايد وتحتاج أنت بس كميات قليلة منها.
الرياضي: إها جذي عيل !!! شلون ألغيهم ؟؟؟
الدكتور: لا لا تلغيهم بعضهم بدلهم بأكل ثاني والباجي قلل منهم.
مثلاً عصير الأفوكادوا فيه دهون مفيدة بس سعراته الحرارية عالية فممكن تبدله بتفاحة
-الفواكة المجففة أخذ منها سبع حبات أو أقل على حسب الحجم.
-الصلصات الجاهزة وزيت الزيتون سعراته الحرارية كبيرة فممكن نبدلها بليمون وخل وسماق وملعقة وحده زيت زيتون.
الرياضي: أخطاء صغيرة لها أثار كبيرة !!!
شكرًا دكتور راح أغير نظامي قبل امتحاني.[/B]
